लातूरचे सामाजिक कार्यकर्ते रामेश्वरजी धुमाळ यांना 'राज्यस्तरीय समाज भूषण' पुरस्कार जाहीर
लातूर: मागील ३० वर्षांपासून सामाजिक क्षेत्रात उल्लेखनीय कार्य करणारे लातूरचे रामेश्वरजी धुमाळ यांना स्वप्नल फाउंडेशन, पुणे यांच्या वतीने दिला जाणारा राज्यस्तरीय समाज भूषण पुरस्कार जाहीर झाला आहे. येत्या २३ मार्च रोजी पुणे येथील सावित्रीबाई फुले सभागृहात सकाळी ११ वाजता हा पुरस्कार प्रदान करण्यात येणार आहे.
ठळक यश आणि कार्यप्रवास:
विकासकामे: माजी मुख्यमंत्री स्व. विलासराव देशमुख, दिलीपराव देशमुख आणि अमित देशमुख यांच्या मार्गदर्शनाखाली पाखरसांगवी परिसराचा कायापालट करण्यासाठी कोट्यावधींचा निधी उपलब्ध करून दिला.
लोकसहभाग: हिवरेबाजार आणि राळेगणसिद्धीच्या धर्तीवर पाखरसांगवीमध्ये लोकसहभागातून १५३ रस्ते आणि २१ कि.मी. नाला सरळीकरणाची कामे यशस्वी केली.
आंदोलने व पाठपुरावा: रस्ता रोको, जेलभरो आणि उपोषणांच्या माध्यमातून नागरिकांच्या मूलभूत सुविधांसाठी आणि शेतकऱ्यांच्या प्रश्नांसाठी सातत्याने लढा दिला.
शासकीय योजना: ‘रामेश्वरजी धुमाळ युवा प्रतिष्ठान’च्या माध्यमातून घरपोच रेशनकार्ड, आधार कार्ड, श्रावणबाळ योजना आणि आरोग्य शिबिरांचा लाभ हजारो गरजूंना मिळवून दिला.
पत्रकारिता: मागील २० वर्षांपासून ते ‘समीक्षा’ वृत्तपत्राचे संपादक म्हणून कार्यरत असून, त्याद्वारे सामाजिक प्रश्नांना वाचा फोडत आहेत.
स्वप्नल फाउंडेशनच्या अध्यक्षा शोभाताई भल्लाळ यांनी धुमाळ यांच्या निस्पृह सेवेची दखल घेऊन या पुरस्काराची घोषणा केली आहे. या यशाबद्दल त्यांचे सर्व स्तरातून अभिनंदन होत आहे.
