रविवार असूनही शाळेची घंटा वाजली; विद्यार्थी आले अन् प्रार्थनाही भरली.
गुंजोटी येथील श्रीकृष्ण विद्यालयाचा माजी विद्यार्थी व शिक्षक स्नेह मेळावा संपन्न.
धाराशिव प्रतिनिधी : दि 21 एप्रिल रविवारी शाळेची घंटा वाजली! विद्यार्थी आले अन् प्रार्थनाही भरली. क्रीडा शिक्षकांनी परेड सावधान विश्राम केले आणि राष्ट्रगीत सुरू झाले. ही घटना आहे श्रीकृष्ण शिक्षण संस्थेच्या श्रीकृष्ण विद्यालयातील इयत्ता दहावी वर्गातील सन 1999 च्या माजी विद्यार्थी व सेवानिवृत्त शिक्षकांची. 25 वर्षानंतर एकत्रित आलेल्या विद्यार्थी-विद्यार्थिनी शिक्षक-शिक्षिका व शिक्षकेतर कर्मचारी त्यांचा काल रविवार दिनांक 20 एप्रिल रोजी स्नेह मेळावा मोठ्या उत्साहात संपन्न झाला.
मोठी झालेली पाखरे आकाशात उडून जावी तशी श्रीकृष्ण विद्यालयाचे विद्यार्थी आपले प्राथमिक, माध्यमिक व उच्च माध्यमिक शिक्षण पूर्ण करून निघून गेले ते पुन्हा 25 वर्षा नंतर काल दिनांक 20 एप्रिल रोजी श्रीकृष्ण विद्यालय येथे गेट-टुगेदरच्या निमित्ताने भेटले. या विद्यार्थ्यांनी आपल्या शिक्षकासमवेत पुन्हा शाळा भरवली उशिरा येणाऱ्यांना बाहेर थांबवलं गेलं क्रीडा शिक्षकाच्या पहाडी आवाजात पुन्हा सावधान विश्राम झाला आणि राष्ट्रगीताला सुरुवात झाली हे क्षण पाहून प्रत्येकाचं मन भारावून गेलं होतं. शिक्षण पूर्ण करून निघून गेलेल्या माजी विद्यार्थ्यांना पाहण्यासाठी शिक्षकांनी आवर्जून हजेरी लावली होती. दहावीची 1999 ची बॅच शाळेतील सर्वात हुशार बॅच होती. आज या बॅचमधील विद्यार्थी उच्चस्थ पदावर परदेशात नोकरी करतात. आर्मी मिलिटरी मध्ये सेवा देतात. शिक्षक, डॉक्टर, इंजिनीअर्स, पत्रकार, वकील, शैक्षणिक संस्था चालक, व्यावसायिक आणि यशस्वी शेतकरी आहेत. या स्नेह मेळाव्यात शाळेचे मुख्याध्यापक उपमुख्याध्यापक आजी-माजी शिक्षक व शिक्षकेतर कर्मचारी यांच्या समवेत सन 1999 सालातील दहावीच्या बॅचमधील विद्यार्थी यांची उपस्थिती होती.
दिवसभर चाललेल्या या स्नेह मेळाव्यात राष्ट्रगीत, प्रार्थना, परिचय, सत्कार भोजन, सांस्कृतिक कार्यक्रम अशा विविध उपक्रमाने स्नेह मेळावा साजरा झाला तर श्रीकृष्ण शिक्षण संस्थेचे आधारवड प्रख्यात सर्जन डाॅक्टर श्री दामोदर पतंगे यांचीही उपस्थिती होती. यावेळी संस्थेच्या अध्यक्षा श्रीमती विभावरी शाईवाले, उपाध्यक्ष प्रभाकर हिरवे, शाळेचे मुख्याध्यापक अजय गायकवाड, उपमुख्याध्यापक रविराज पाटील, प्राथमिक विद्यालयाचे मुख्याध्यापक श्री दत्ता गायकवाड, पर्यवेक्षक श्री भालेराव, संस्था समन्वयक श्री घोडके, शिक्षक करपे, वाय. डी. जाधव, हडपद, भालेराव, आगाशे, जीवन चव्हाण, खंडू, शाईवाले, साखरे, शहाणे, सुधाकर यादव, पुरी मामा, शिक्षका सगर, मार्डीकर, सुरेखा, हडपद व पुरी बाई तर विद्यार्थी प्रतिनिधी नेताजी जाधव व सायली शहा यांच्यासह संदीप खमितकर, अनिल चौधरी, शिवाजी चव्हाण, सुवर्णा जगताप, अनुपमा चव्हाण, अश्विन देशमुख, संगमेश्वर रेड्डी, अतुल शिवनेचारी, महेश देशमुख, विनोद घोडके, पवन मोहरीर, प्रवीण शिंदे, अश्विनी जाधव, शुभांगी खजुरे, बेबी बोळे, वर्षाराणी पाटील, वैशाली शहाणे, उमा जाधव, शिवनंदा माने, दिपाली शिंदे, सुप्रिया झिंगाडे, कविता पुरी, मनोज इबत्ते, संजय कांबळे, अंकुश निकम, वसंत पवार, अमोल पुरी, अनिल कुलकर्णी व जीवन दूधभाते यांची उपस्थिती होती.
स्नेह मेळाव्याची प्रस्तावना श्रीकृष्ण विद्यालयाचे मुख्याध्यापक अजय गायकवाड यांनी तर सूत्र संचलन प्रसिद्ध व्याख्याते व प्रवचनकार सतीश हाणेगावे व आभार जिल्हा परिषद शिक्षिका सुवर्णा जगताप यांनी मांडले आहेत.