बांधकाम मजुरांना उन्हापासून संरक्षणासाठी टोपी व पाण्याच्या बाटल्या वाटप…
लातूर प्रतिनिधी : महाराष्ट्र राज्य अल्पसंख्यांक आयोगाचे अध्यक्ष प्यारे जिया खान यांचा वाढदिवस लातूरमध्ये सामाजिक उपक्रम राबवून साजरा करण्यात आला. वाढत्या उन्हाच्या उकाड्याच्या पार्श्वभूमीवर लातूरच्या प्यारे खान युवा फाउंडेशनचे अध्यक्ष व पत्रकार सालार शेख यांच्या पुढाकाराने उन्हात काम करणाऱ्या ५०० बांधकाम मजुरांना टोपी व पाण्याच्या बाटल्या वाटप करण्यात आल्या.
लातूर शहरातील छत्रपती शिवाजी महाराज चौकात मोठ्या संख्येने मजूर दिवसभर कामासाठी थांबतात, ही बाब लक्षात घेऊन पत्रकार सालार शेख यांनी त्यांच्यासाठी हा उपक्रम राबवण्याचा निर्णय घेतला.
कार्यक्रमासाठी गृह पोलीस उपअधीक्षक श्री गजानन भातलवंडे, काँग्रेस प्रदेश सरचिटणीस मोईजभाई शेख, सामाजिक कार्यकर्ते सर्फराज बाबा मणियार, लालासाहेब शेख, बरकत काझी, युवा उद्योजक फैसलखान कायमखानी, पत्रकार हारून मोमीन, नेताजी जाधव, सलीम शेख, हारून सय्यद, समद शेख, बशीर शेख आदी मान्यवर उपस्थित होती तर या स्तुत्य उपक्रमाचे उपस्थितांनी पत्रकार सालार शेख यांचे अभिनंदन केले आहे.
