लातूर ग्रामीण पोलिसांची जुगार अड्ड्यावर धाड सहाजणांसह एक लाख ७३ हजार रु मुद्देमाल जप्त.
मुंबई जुगार कायदयान्वये कारवाई व गुन्हा दाखल.
लातूर दि ०८ जाने पोलीस अधिक्षक श्री सोमय मुंडे यांनी लातूर जिल्ह्यात अवैध धंदयाविरुध्द कार्यवाही करण्यासाठी निर्देशीत केले होते त्या अनुषंगाने अप्पर पोलीस अधिक्षक श्री अजय देवरे, उपविभागीय पोलीस अधिकारी श्री सुनिल गोसावी यांचे मार्गदर्शनाखाली पोलीस ठाणे लातूर ग्रामीण पोलीस निरीक्षक गणेश कदम, यांच्या नेतृत्वात पोलीस ठाणे लातूर ग्रामीण हददीत अवैदय धंदयाविरूध्द मोहीम राबवीली असता गोपनिय माहीतीच्या आधारे दि.०८ जाने २०२३ रोजी १७.५५ वाजता सुमारास पोलीस ठाणे लातूर ग्रामीण च्या पथकाने ममदापूर शिवारात पाझर तलावाच्या पाळूवर जुगार खेळत बसलेल्या इसमांवर छापा मारला असता तेथे ईसम नामे १) मनोज यादव गुरमे वय ३४ वर्षे, रा. ममदापूर २) देवानंद साधु बनसोडे – वय ३८ वर्षे, ३) दत्ता व्यंकट कु-हाडे वय ३६ वर्षे, ४) राजेंद्र बाळूराव शेळके वय ४६ वर्षे, ५) कुमार धंनजय गुरमे ६) भैयासाहेब रमाकांत बनसोडे सर्व रा. ममदापूर ता. जि. लातूर असे वर नमुद ठिकाणी ग्रुप करून स्वतःचे फायद्यासाठी पत्त्यावर पैसे लावुन तिर्रट नावाचा जुगार ‘खेळत व खेळवीत असताना आढळून आले. त्यांचेकडून जुगाराचे साहीत्य रोख रक्कम व वाहने असा एकुण १ लाख ७३ हजार ३० रूपयाचा मुद्देमाल हस्तगत करण्यात आला असून नमुद आरोपी विरोधात पोलीस ठाणे लातूर ग्रामीण येथे गुन्हा रजिस्टर क्रंमाक – ११ / २०२३ कलम १२ (अ) मुंबई जुगार अधिनियम गुन्हा दाखल करण्यात आला आहे.
सदरची कामगिरी वरीष्ठांचे मार्गदर्शनात पोलीस निरीक्षक गणेश कदम यांचे नेतृत्वातील पथकातील पोउपनि तानाजी पाटील, पोउपनि नागनाथ पांढरे, पोहेकॉ / ८६७ विनोद लखनगीरे, पोहेकॉ / १०७ बाबु येनकुरे, पोहेकॉ / १०५५ सयद, पोहेकॉ / ७९१ मेहबुब तांबोळी, पोना/१५७९ सचिन चंद्रपाटले, पोकॉ/९४० अक्षय खंडागळे, चापोना / १५०४ हजारे यांनी केली आहे. डिगोळे, पोकॉ/ १६९८ कुंडलीक यांनी केली आहे.