तायक्वांदो राज्य संघटनेच्या महासचिवपदी मिलिंद पठारे यांची फेर निवड
लातूर प्रतिनिधि : तायक्वांदो फेडरेशन ऑफ इंडिया या भारतीय महासंघाशी संलग्न असलेल्या तायक्वांदो असोसिएशन ऑफ महाराष्ट्र ( मुंबई) राज्य संघटनेच्या महासचिवपदी मिलिंद पठारे यांची फेरनिवड तर अध्यक्षपदी डॉ. अविनाश बारगजे यांची निवड करण्यात आली आहे. तायक्वांदो फेडरेशन ऑफ इंडियाचे निरीक्षक ॲड. राजकुमार कश्यप व औरंगाबाद खंडपीठाचे वकील तथा निवडणूक निर्णय अधिकारी ॲड. विजय ढाकणे यांच्या निरीक्षणाखाली संघटनेच्या सन २०२३ ते २०२७ या कालावधीसाठी कार्यकारी मंडळाची निवडणूक प्रक्रिया पार पडली. नवी दिल्ली उच्च न्यायालयाच्या आदेशानुसार तायक्वांदो फेडरेशन ऑफ इंडिया या भारतीय महासंघाची निवडणूक प्रक्रिया पार पडल्यानंतर विविध राज्यांतील अधिकृत राज्य संघटनांच्या निवडणूक प्रक्रिया सुरू आहेत. टी.एफ.आय. च्या निर्देशानुसार तायक्वांदो असोसिएशन ऑफ महाराष्ट्र, मुंबई या राज्य संघटनेच्या कार्यकारी मंडळाची निवडणूक औरंगाबाद येथे २९ जानेवारी २०२३ रोजी पार पडली.
कार्याकारी मंडळाच्या सर्व पदासाठी प्रत्येची एकच उमेदवारी अर्ज.
या निवडणुकीत कार्याकारी मंडळाच्या सर्व पदासाठी प्रत्येची एकच उमेदवारी अर्ज आल्यामुळे ही निवडणूक बिनविरोध झाल्याचे निवडणूक निर्णय अधिकारी यांनी जाहीर केले असल्याचे नव्याने नियुक्त झालेले अध्यक्ष डाॅ श्री अविनाश बारगजे दिलेल्या एका प्रसिद्धीपत्रकात म्हटले आहे. निवड करण्यात आलेले कार्यकारी मंडळात अध्यक्ष – डॉ. अविनाश बारगजे बीड उपाध्यक्ष विनायक गायकवाड मुंबई उपनगर व धुलीचंद मेश्राम गोंदिया महासचिव – मिलिंद पठारे सचिव – सुभाष पाटील रायगड खजिनदार – व्यंकटेश्वरराव कररा रत्नागिरी, नीरज बोरसे औरंगाबाद, अजित घारगे जळगाव व सतिश खेमसकर चंद्रपूर यांची कार्यकारी सदस्यपदी निवड करण्यात आली आहे. दोन वेळा शिवछत्रपती पुरस्काराचे मानकरी राहिलेले श्री प्रविण बोरसे व सुशांत भोयार यांच्यावर अतिरिक्त उपाध्यक्ष पदाची जबाबदारी राज्य कार्यकारिणी मंडळाने दिली आहे. सोबतच विविध समित्या अंतर्गत वृषाली बालाजी पाटील जोगदंड नांदेड, राजेश महाजन उस्मानाबाद व भालचंद्र कुलकर्णी सिंधुदुर्ग यांची उपाध्यक्षपदी तर लेखा चेत्री यवतमाळ, कौशिक गरवालीया ठाणे, विनायक ऐनापुरे सांगली यांची सहसचिव पदी निवड करण्यात आली आहे.
नवनियुक्त पदाधिकारी व कार्यकारी सदस्यांचे लातूर नेता न्युज चॅनेल च्या वतीने अभिनंदन..
