उदगीर | प्रतिनिधी:लातूर जिल्ह्यातील ऊस उत्पादक शेतकऱ्यांसाठी एक अत्यंत आनंदाची बातमी समोर आली आहे. उदगीर येथील विलास सहकारी साखर कारखाना (युनिट-२) ने आपल्या कार्यक्षेत्रातील शेतकऱ्यांना दिलेला शब्द पाळत, गाळप हंगाम २०२५-२६ चे अंतिम ऊस बिल थेट त्यांच्या बँक खात्यावर जमा केले आहे.
💰 प्रति टन ३,१३१.७२ रुपयांचा विक्रमी दर!कारखान्याने या हंगामासाठी प्रति मेट्रिक टन ३,१३१.७२ रुपये हा उच्चांकी दर जाहीर केला होता. याआधी शेतकऱ्यांना प्रति टन २,८५० रुपये देण्यात आले होते. आता उर्वरित २८१.७२ रुपये प्रति टन ही रक्कम १५ जून २०२६ रोजी कारखान्याने शेतकऱ्यांच्या खात्यात वर्ग केली आहे.
📈 कारखान्याची धडाकेबाज कामगिरी:एकूण गाळप: ५,०९,४१.१०४ मेट्रिक टन ऊस.साखर उतारा: १२.२१३% (उत्तम दर्जाच्या गाळपाची साक्ष).इथेनॉल उत्पादन: १ कोटी ३३ लाख ३५ हजार लिटर.
📣 काय म्हणाले कारखान्याचे पदाधिकारी? माजी मंत्री अमित विलासराव देशमुख यांच्या मार्गदर्शनाखाली हा कारखाना प्रगतीपथावर आहे. कारखान्याचे उपाध्यक्ष वैजनाथ शिंदे आणि संचालक मंडळाने या निर्णयाची माहिती दिली. कार्यकारी संचालक आत्माराम पवार यांनी सर्व ऊस उत्पादकांना आवाहन केले आहे की, ज्या शेतकऱ्यांच्या खात्यात रक्कम जमा झाली आहे, त्यांनी खात्री करण्यासाठी आपल्या संबंधित बँक शाखेशी संपर्क साधावा.
✨ शेतकऱ्यांमध्ये आनंदाचे वातावरणशेतकऱ्यांना हक्काचे आणि जास्तीचे पैसे वेळेत मिळाल्याने उदगीर परिसरात समाधानाचे वातावरण आहे. अवघ्या काही काळातच विलास सहकारी साखर कारखान्याने शेतकरी हिताला प्राधान्य देऊन आपली विश्वासार्हता पुन्हा एकदा सिद्ध केली आहे.
