राज्यस्तरीय ज्युनियर तायक्वांदो स्पर्धेची जळगावात जय्यत तयारी.
३२ वी महाराष्ट्र राज्य कनिष्ठ मुला मुलींची तायक्वांडो स्पर्धा २६ ते २८ जानेवारीला; पडणार किकांचा पाऊस.
जळगाव प्रतिनिधी : तायक्वांडो असोसिएशन ऑफ महाराष्ट्र ताम, मुंबई अंतर्गत जळगाव जिल्हा तायक्वांडो असोसिएशन आणि जैन स्पोर्टस् अकॅडमी व जैन इरिगेशन सिस्टीम लिमिटेड आयोजित दि. २६ ते २८ जानेवारी २०२३ दरम्यान श्री छत्रपती शिवाजी महाराज जिल्हा क्रीडा संकुल, बॅडमिंटन हॉल जळगाव येथे ३२ वी महाराष्ट्र राज्य कनिष्ठ मुलं व मुली तायक्वांडो क्युरोगी व पुमसे (ज्युनिअर / सिनीयर) स्पर्धेचे आयोजन येथे करण्यात येत असून जळगावात होणाऱ्या या राज्यस्तरीय कनिष्ठ मुलं व मुली तायक्वांडो स्पर्धेची तयारी पुर्णत्वाकडे आहे. सदर स्पर्धेत आतापर्यंत २५ जिल्ह्यातील खेळाडूंचा सहभाग निश्चित झाला आहे या स्पर्धा इलेक्ट्रॉनिक स्कोरींग सिस्टीम (सेन्सर्स) वर घेण्यात येणार असुन खेळातील पारदर्शकता वाढुन उत्तम खेळाडु राष्ट्रीय स्पर्धेत सहभागी होतील असे जळगाव जिल्हा तायक्वांडो असोसिएशनचे सचिव अजित घारगे यांनी प्रसिद्धी पत्रकाद्वारे कळविले आहे.
या स्पर्धेत क्युरोगी या प्रकारात १० मुलं व १० मुली अशा २० विविध वजनी गटात या स्पर्धा रंगणार आहेत तर पुमसे स्पर्धा या वैयक्तिक, पेअर्स व सांघिक मुलं व मुली अशा प्रकारात होणार आहेत, साधारण ५०० हुन अधिक खेळाडू , संघ प्रशिक्षक व व्यवस्थापक, पंच, स्वयंसेवकांचा समावेश आहे.