शिरुर ताजबंदच्या तरुण व्यापाऱ्याची लातूरच्या हॉटेल ग्रँडमध्ये आत्महत्या!
आत्महत्येचे कारण गुलदस्त्यात; नातेवाईकांनी व्यक्त केली घातपाताची शक्यता.
लातूर दि ०७ जुन अहमदपूर तालुक्यातील शिरुर ताजबंद येथील कापड व्यापाऱ्याने लातूरातील हॉटेल ग्रँड येथे गळफास घेऊन आत्महत्या केल्याची घटना समोर आली आहे. मयत व्यापऱ्याचे नाव सुहास गोविंदराव मलफेदवार असे असुन नातेवाईकांनी मात्र घातपाताचा संशय व्यक्त केला आहे. या प्रकरणी लातूराच्या एमआयडीसी पोलिसांत अकस्मात मृत्युची नोंद करण्यात आली आहे.
अहमदपूर तालुक्यातील शिरुर ताजबंद येथील कापड व्यापारी सुहास गोविंदराव मलफेदवार (वय २२) यांचे नगरपालिकेच्या कॉम्पलेक्समध्ये कापड दुकान आहे. अत्यंत श्रीमंत असलेल्या सुहास यांना आलीशान गाड्यांचा शौक होता. आत्ताही त्यांच्याकडे कोट्यावधी रुपयांच्या आलीशान गाड्या आहेत. सतत काही ना काही कामनिमित्त लातूरात आल्यानंतर ते येथील बार्शीरोडवर असलेल्या हॉटेल ग्रँडवर आराम करण्यासाठी थांबत असत. दि. १ जून रोजीही ते आपल्या अन्य दोन मित्रांसह दुपारी साधारण २ ते २.३० वाजेच्या सुमारास हॉटेल ग्रँडवर येऊन थांबले होते. यावेळी त्यांच्या सेाबत असलेला गाडीचा ड्रायव्हर आणि दुकानातील एक कर्मचारी सोबत होते. ते खालीच हॉटेलच्या रेस्टॉरंटमध्ये जेवण करण्यासाठी थांबले आणि सुहास एकटेच हॉटेलमधील ३१५ नंबरच्या रुमवर आराम करण्यासाठी गेले. दुपारी साधारण ३.३० वाजेच्या सुमारास त्यांनी रुममध्येच जेवन मागविले. त्यानंतर थंड पाण्याची बॉटलही मागविली. मागविलेले जेवन त्यांनी घेतले. याच दरम्यान, त्यांच्या वडिलांनी त्यांना फोन लावले परंतु ते फोन घेत नव्हते. अखेर घरातील नातेवाईकांनी त्यांच्या गाडीच्या चालकाला फोन लावला असत्या त्यांनी सांगीतले की ते वर रुममध्ये आराम करीत आहेत. परंतु, बराच वेळ फोन रिसीव्ह करित नसल्यामुळे नातेवाईकांनी हॉटेलच्या मॅनजरला चौकशी करण्यास सांगीतले. हॉटेलच्या काऊंटरवरुन त्यांच्या रुममध्ये लँडलाईनवर कॉल करण्यात आला परंतु त्यांनी तोही कॉल घेतला नाही. त्यानंतर शंका आलेल्या हॉटेल स्टाफने रात्री ८.३० वाजेच्या सुमारा मास्टर कीने रुम नं. ३१५ चा दरवाजा उघडला असता, सुहास मलफेदवार यांनी कमरेच्या बेल्टने छताच्या फॅनला गळफास घेतल्याचे आढळून आले. घटनास्थळावर कुठलीही सुसाईड नोट आढळून आलेली नसल्यामुळे त्यांच्या आत्महत्येचे कारण अद्याप गुलदस्त्यात आहे. पोलिसांनी मयत सुहास यांचे दोन्ही मोबाईल जप्त केले असून त्यांच्या मोबाईलचा डेटा तपासण्यात येत आहे.
सदर घटनेची माहिती तातडीने पोलीसांना आणि सुहास यांच्या नातेवाईकांना देण्यात आली. त्यानंतर मृतदहेचे शवविच्छेदन करुन मृतदेह नातेवाईकांच्या ताब्यात देण्यात आला. दरम्यान, मयत सुहास यांच्या नातेवाईकांनी मात्र यामागे घातपाताचा संशय व्यक्त केला आहे.